वीज बिल थकबाकीचे कारण सांगून समस्येकडे दुर्लक्ष करणारे कर्मचारी कनेक्‍शन तोडण्यासाठी मात्र धाव घेतात. सुरळीत वीज पुरवठा करण्याऐवजी महावितरणचे अधिकारी व कर्मचारी वसुली करण्यात गुंतले आहेत. दोन वर्षांपूर्वी मागणी करूनही कनेक्‍शन दिले जात नाही. उलट नादुरुस्त डिपी, उघडे फ्यूज बॉक्‍स, तुटलेले फ्यूज यामुळे शेतकऱ्यांच्या जिवाशी खेळ सुरू असून तातडीने दुरूस्ती न केल्यास शेतकरी आंदोलनाच्या पवित्र्यात आहेत.
